Orkuveita Húsavíkur

Skattur hefur verið lagður á sölu á heitu vatni og er reiknaður hlutfallslega á heildarkostnað. Þessi breyting tók gildi hinn 1.janúar 2010 og mun því koma fram á næstu reikningum sem Orkuveitan sendir frá sér. Á sömu reikningum kemur fram hækkun virðisaukaskatts sem varð 25,5% frá áramótum.

Orkuveita Húsavíkur hefur á undanförnum árum styrkt Björgunarsveitina Garðar á Húsavík. Engin undantekning verður á því í ár en ánægjulegt er frá því að segja að nú munu taka höndum saman Orkuveita Húsavíkur og Orkusalan og styrkja Björgunarsveitina. Það er fyrirtækjunum ánægja að leggja jafn mikilvægu verkefni lið. Sveitin gegnir þýðingarmiklu starfi og hefur á neyðarstundu aðstoðað fólk í vanda, heima og að heiman.

Þeir viðskiptavinir sem áður voru í rafmagnsviðskiptum hjá Orkuveitu Húsavíkur ehf. færast sjálfkrafa yfir til Orkusölunnar og RARIK. Viðskiptavinir þurfa ekki að gera neinar ráðstafanir sjálfir.

Orkusalan verður á Húsavík dagana 28. og 29. janúar á Garðarsbraut 7, milli 11 og 15. Tilgangurinn er að kynna fyrirtækið og hitta viðskiptavini, sem geta fengið spurningum sínum svarað. Við hvetjum fólk til að koma við og heilsa upp á starfsfólk Orkusölunnar.